matman.

WER MIR SEND

Am beschta isch‘s, wenn mr oifach vrzellat, was mir send, wia mir send ond wo mir send. Kloina Krotta hand au a Gift, sait ma bei eis. Mir send a kloina Mannschaft aus Buaba ond Föhla, dia alle Möglichkeita vo rar großa Werbeagentur mit ama bsondra Goischt aus rarn übrschaubara, halt scho fascht familiära Zemaschaffa abieta ka. Zescht kommat bei eis d Idea aus eisra Hiard ond it wia so oft en dr Werbebranche a Gschroimaulerei am Hierarchia ond gschpässiga Urkonda.

Für an Größawahn send mr z kloi, abr für nuie, moderne Idea (die wachsat bei eis wiea d Butzaschtengl) send mr dia richtig Adress. Onsre feschta ond freia Kollega wissat aus dr Erfahrong mit ond für d Konda, wia ma a Problem glei am reachta Ponkt apackt.

Bei eis isch‘s it so wia en deam alta Schpruch: „Wer an Aal vrheba will am Schwanz, deam bleibt r halb it ond it ganz“! Wie schtark mir geerdet send zoigt a andrer Schpruch aus m scheena Allgäu: A Polizischt haut a Problemlösong so beschrieba: „Guat isch‘s ganga, mir sex hand sieba gfanga.“!

MATTHIAS MANSKE

DR HAUSHERR OND IDEASPINNER | GRAFIKER

CHIARA REISACHER

ONSR KREATIVE FÖHL | MEDIENGESTALTERIN

MARION FENEBERG

ONSR GESTALTUNGSPROFI | MEDIENGESTALTERIN

ULRIKE TREPPESCH

HÄLT DR LADE ZAMMA | WERBEKAUFFRAU

JUDITH SCHÖN

DIA LUAGAT NO DE INTERNETSEITA | ONLINE-REDAKTEURIN

BARBARA MANSKE

HOT D’KASS IM GRIFF | BUCHHALTUNG | BACKOFFICE

JULIA HAUTH

SCHREIBT, WIE MA’S IN DR SCHUAL GLENAT HOT | TEXTERIN | SCHAFFAD FREI MIT EIS ZEMA

MICHAEL HOEFLER

BRINGT INTERNETSEITA ZUM LAUFA | PROGRAMMIERER | SCHAFFAD FREI MIT EIS ZEMA

MIR SEAHD'S

Guate Idee, versteckte Chance und dia kloine Fitzale, wo am End dr Unterschied machet. Dafür hand mir a Aug.

MIR MACHAD’S

Bloß et lugg lau, bis alls passt! Klingt oifach? Isch es selta. Aber genau dafür sind mir do.

MIR LIABAD’S

Neie Projekte, spannende Herausforderunga und dr Moment, wenn aus „Des kennt klappa“ a „Des haut na!“ wird. Ja, mir gebad’s zua: Mir liabad, was mir dond.